Londonun ICE birjasında "Brent" markalı neftin dekabr fyuçerslərinin qiyməti avqustun 30-dan bəri ilk dəfə bir barel üçün 78 dolları ötüb.
Xeberle.com xəbər verir ki, xam neftin qiyməti bu həftə Yaxın Şərqdə münaqişənin kəskinləşməsi ilə təxminən 8% bahalaşıb.
Bu, 2023-cü ilin fevralından bəri ən yüksək göstəricidir.
Oktyabrın 3-də Co Baydenin ABŞ-ın İsrail ərazisinə raket hücumuna cavab olaraq İranın neft obyektlərinə hücum imkanlarını müzakirə etdiyi barədə bəyanatından sonra neftin qiyməti 5% artıb.
"Bloomberg" Amerika hökumətindəki mənbəyə istinadən yazıb ki, administrasiya hələ də İsraillə danışıqlar aparır.
Bundan əvvəl Səudiyyə Ərəbistanının energetika naziri, şahzadə Əbdüləziz bin Salman Əl Səud neftin qiymətinin tezliklə bir barel üçün 50 dollara düşəcəyi barədə xəbərdarlıq etsə də, OPEC bu məlumatları uydurma adlandırmışdı.
Xəbərdən istifadə edərkən istinad etmək vacibdir.
