2024-cü ildə Aqrar Kredit və İnkişaf Agentliyi tərəfindən 9107 kənd təsərrüfatı texnikasının satışı maliyyələşdirilib ki, bu da bir il öncəki göstəricini 40,6 faiz üstələyir.
Xeberle.com xəbər verir ki, Aqrar Tədqiqatlar Mərkəzinin hesabatına əsasən, 2024-cü il ərzində aqrar sektorda fəaliyyət göstərən 4105 fiziki və hüquqi şəxsə 75,4 milyon manat məbləğində güzəştli kredit verilib. 2023-cü ilin rəqəmləri ilə müqayisədə kredit alanların sayı 3,6 faiz, kredit məbləği 2,3 faiz artıb.
Qeyd olunan kreditlərdən:
50,6 milyon manat – texnika və avadanlıq təyinatlı kreditlərə
4 milyon manat – digər güzəştli kreditlərə
20,8 milyon manat – mikrokreditlərə yönəldilib.
Xəbərdən istifadə edərkən istinad etmək vacibdir.
