Ölkədə fəaliyyət göstərən banklar dollarla qəbul edilən əmanətlərin faiz dərəcələrini aşağı salıb.
Əgər bundan öncə bəzi banklar manat və dollar hesablı əmanətlərin illik faizini hətta 14 %-ə qaldırmışdırsa, indi dollar əmanətləri üzrə 2-8 %-ə endirib. Əmanət və kreditlərin faiz dərəcəsi müstəqil olaraq banklar tərəfindən müəyyən edilsə də, mütəxəssislərin fikrincə Mərkəzi Bankın da kommersiya banklarına müəyyən tövsiyyəsi ola bilər. Məhz bu tövsiyyələrdən biri əhalinin manat əmanətlərinə marağını artırmaqdır. Ekspertlər bildirir ki, bu siyasət əmanətlərin dollarlaşması prosesini müəyyən qədər ləngidəcək.
İqtisadçı-ekspert Samir Əliyevin fikrincə bankların bu son tədbiri dollara əmanətlərin qoyuluşu artım tempini azalacaqdır. Sonrakı dövrdə ümumiyyətlə azala bilər. Amma əhalinin gözləmə mövqeyini nəzərə alsaq yaxın dövrdə əmanətlərin azalması prqnozlaşdırılır.
Bankların bu addımının bir səbəbi də manatla olan kreditə tələbatın artmasıdır. Topladığı vəsaitin böyük bir qismi xarici valyutada olan banklar manat krediti verməkdə çətinlik çəkir. Nəticədə rəqabətdə digərlərinə uduzur. (anspress.com)
Xəbərdən istifadə edərkən istinad etmək vacibdir.
