Bu sözləri Axar.az-a açıqlamasında iqtisadçı alim Vüqar Bayramov Mərkəzi Bankın üzən məzənnə siyasətinə keçməsi və dollarınbahalaşmasına münasibət bildirərkən deyib. İqtisadçının sözlərinə görə, bundan sonra manatın kursunu bazar diktə edəcək:

"Artıq manatın məzənnəsini bazar müəyyənləşdirəcək. Bu dəyişikliklər ölkəyə daxil olan valyutanın həcminə uyğun olaraq müəyyənləşəcək. Ölkəyə daxil olan valyuta artacağı halda manatın kursu yüksələcək və yaxud əksinə”.

V.Bayramov bildirib ki, bankların xarici borcları dollarla olduğu üçün qaytarılmasında çətinliklər olacağı istisna deyil. Ekspert eyni zamanda hazırda əsas prioritet məsələlərdən biri kimi dollarla kredit götürən vətəndaşlara yardımı göstərib:

"Bu kontekstdə dollarla kredit götürən vətəndaşlar üçün yeni rejimin formalaşmasına ehtiyac var, yəni güzəştlərin tətbiq edilməsi olduqca vacibdir. Dollarla kredit götürənlərin ödənişlərində manata ifadədə artımlar var ki, bu da birmənalı şəkildə ödəniş qabiliyyətinə təsir göstərəcək”.

Xatırladaq ki, bu gün Mərkəzi Bank üzən məzənnə siyasətinə keçib və dollar və avro 50 faizə qədər bahalaşıb.