İran  Azərbaycanın Sumqayıt şəhərindəki əczaçılıq zavodunun tikintisinə ilkin mərhələdə 35 milyon avro sərmayə qoyacağı planlaşdırılır. Bunu İranın səhiyyə nazirinin müavini, Dərman və Ərzaq məsələləri Administrasiyasının rəisi Rəsul Dinarvənd deyib.Onun sözlərinə görə, zavodda ürək-damar, infeksiya və qeyri-infeksiya xəstəliklərinin müalicəsi üçün preparatlar, ağrıkəsici vasitələr daxil olmaqla, bir sıra adda dərmanların istehsalı planlaşdırılır.
R.Dinarvənd əczaçılıq layihəsinin təfərrüatlarını müzakirə etmək üçün Bakıda səfərdədir: "İnvestisiyalar barədə razılaşma əldə olunub, layihə yaxın vaxtlarda işə salınacaq".
trend.az