İsveçrənin "SIKA" şirkəti Sumqayıt Kimya Sənaye Parkının ərazisində illik istehsal gücü 5 min ton olan inşaat qatqıları üçün xammal və hazır məhsul istehsalını həyata keçirəcək zavod inşa edəcək.
Bu barədə "Sumqayıt Kimya Sənaye Parkı" MMC-nin direktoru Nazim Talıbov bildirib Qeyd edilib ki, zavodda 50-60 nəfərin daimi işlə təmin olunması nəzərdə tutulur. Hazırda tikinti məhsullarının istehsalında xammal kimi istifadə edilən "Sikament 300", "Sikament FF5" və "Sigunit L25" kimi maddələrin Azərbaycana illik idxalı təxminən 800-1000 ton təşkil edir. Bu maddələrin ölkəmizdə istehsal edilməsi idxalı əvəz edən yerli məhsulların istehsalına imkan yaradacaq, məhsullarda xarici komponentlərdən istifadəni azaldacaq. Zavodda istehsal ediləcək məhsullar daxili bazarın tələbatını ödəməklə yanaşı, Rusiya, Qazaxıstan, Türkmənistan, Özbəkistan, Qırğızıstan, Gürcüstan və İrana ixrac imkanı yaradacaq.
Azərtac