Şəhər üzrə ümumdaxili məhsul istehsalı və xidmətlərin həcmi 244,5 milyon manat və ya 144,8 faiz təşkil etmiş, ötən ilin müvafiq dövrü ilə müqayisədə 75,6 milyon manat və ya 44,8 faiz çox məhsul istehsal olunub və xidmət göstərilib. Sənaye məhsulunun istehsalı ötən ilin eyni dövrü ilə müqayisədə 82,0 faiz artaraq 173,8 milyon manat olub. Ümumdaxili məhsulun tərkibində qeyri dövlət sektorunun payı isə 85,0 faizdən çox təşkil edib.
Xeberle.com-un məlumatına görə, hesabatda qeyd olunub ki,sənaye potensialında əldə olunmuş uğurlarla bərabər dünyada baş verən maliyyə böhranı Sumqayıt sənayesinə də öz təsirini göstərib.
Bir çox iri müəssisələrin məhsul satışı və xammal təchizatında yaranmış çətinliklər nəticəsində proqnoz tapşırıqlar yerinə yetirilməyib. Belə ki, "Azərboru” ASC, "Sumqayıt Texnologiyalar” Parkı, "Sağlam Qida” Kompleksi,"İntertekstil” ASC-i və sair müəssisələr ötən ilə müqayisədə geri qalıblar.
Müəssisələrdə istehsalın həcminin azalmasının nəticəsidir ki, ötən ilin müvafiq dövrü ilə müqayisədə sənaye sahələrində işləyənlərin sayında ümumilikdə 3,0 min nəfərə yaxın azalma müşahidə edilir.
Belə ki, STP-dən 1581, Azərkimyadan 296, İntertekstildən 277, Azərboru ASC-dən isə 57 nəfər ixtisar edilib.
Xeberle.com
Xəbərdən istifadə edərkən istinad etmək vacibdir.