«Çörəkçi - 3" firma mağazasının açılışı oldu. Xeberle.com məlumat verir ki, açılış günü ziyarətçilərə "Çörəkçi” və "Bismak" brendlərinin məhsulları hədiyyə olundu. Bununla yanaşı bütün məhsullar zavod qiymətinə və endirimlərlə satışa çıxarıldı.
"Çörəkçi - 3" firma mağazası Sumqayıt şəhəri, Nərimanov prospekti 2, 5-ci mkr, sahə 10 ünvanında yerləşir. Onu da qeyd edək ki, bu "Çörəkçi” zavodunun Sumqayıt şəhərində açılan sayca üçüncü mağazasıdır. Mağazalarda kəpəkli, çovdarlı və sadə olmaqla ümumilikdə 12 çeşiddə çörək alıcılara təqdim olunur. Bundan başqa "Çörəkçi” mağazasında unlar, makaron məmulatları və müxtəlif şirniyyat çeşidlərinin satışı da həyata keçirilir. Mağazalarda bütün məhsullar zavod qiymətinə satılacaq. Buna görə də qiymətlər supermarketlərdəki qiymətlərdən ucuz olacaq. Büdcəsinə qənaət etmək istəyən ailələr üçün bu mağazalar əla imkanlar təqdim edir .
Digər iki mağazanın ünvanı:
Çörəkçi mağazası 1 – Sumqayıt şəhəri, Sülh küçəsi, 76 – cı məhəllə, 10 D;
Çörəkçi mağazası 2 - Sumqayıt şəhəri, Babək küçəsi, 13 – cü mkr, ev – 5.
Qeyd edək ki, "Çörəkçi" zavod kompleksi 2013 - cü il oktyabr ayının 3-də Sumqayıt Sənaye zonasında istifadəyə verilib. Bu iqtisadi qurum Sumqayıt Sənaye Zonasında 7 hektar ərazidə istehsal və xidmət sahələrini əhatə edən 3 iri müəssisədən ibarət müasir aqrar-sənaye kompleksidir. "Çörəkçi” brendi adı altında müxtəlif növ çörəklər, unlar, suxarı unları və kruassan istehsal olunur.
Xəbərdən istifadə edərkən istinad etmək vacibdir.
