Sumqayıt şəhərində işləyən və işsiz əhalini əhatə edən məşğul əhali 2016-cı ilin yanvar- aprel ayları ərzində 162,3 min nəfər təşkil edib və şəhər əhalisinin tərkibində xüsusi çəkisi 48,2 faiz təşkil edib. Məşğul əhalinin tərkibində məşğulluq xidmətləri tərəfindən rəsmi işsiz status verilmiş işsizlərin xüsusi çəkisi 0,4 faiz olub. 1013 nəfər işsizlik statusu almış işçilər olub. Onlardan işsizliyə görə müavinət alanların sayı 77 nəfərdir. 

 Xeberle.com-un məlumatına görə, bu rəqəmlər Dövlət Statistika  Komitəsinin Sumqayıt şəhər şöbəsinin 2016-cı ilin yanvar-aprel ayları ərzində şəhərin sosial-iqtisadi vəziyyətinin təhlilində yer alıb.

  Təhlildə bildirilir ki, məşğul əhalinin ümumi sayında 47,1 min nəfər, yaxud 29,0 faizi muzdla işləyənlərin  payına düşüb. Muzdla işləyənlərin 13691 nəfəri və ya 29,1 faizi maddi istehsal sahəsində, 33375 nəfəri və ya  70,9 faizi isə xidmət sahəsində məşğul olurlar.

  Qeyd olunur ki, 2016-cı ilin yanvar-aprel ayları ərzində faktiki işləyənlərin 59,7 faizi dövlət, 40,3 faizi isə qeyri-dövlət mülkiyyətinə məxsus müəssisələrində çalışıblar: "Muzdla işləyən faktiki işçilərin 26,4 faizi sənayedə, 26,0 faizi təhsil, elm və mədəniyyətdə, 11,7 faizi səhiyyədə və sosial təminatda, 1,9 faizi tikintidə, 2,1 faizi nəqliyyat və rabitədə, 20,1 faizi ticarət və turizmdə, 4,8 faizi dövlət idarəetmədə məcburi sosial təminatda, 7,0 faizi isə digər fəaliyyət sahəsində olub. 2016-cı ilin hesabat dövründə faktiki muzdla çalışan işçilərin sayı 47066 nəfər təşkil edib. Əhalinin həyat səviyyəsinin yüksəlməsinin səciyyələndirən orta aylıq nominal əmək haqqı 360,9 manat olub ki, ötən ilin müvafiq dövrü ilə müqayisədə 0,3 faiz azalıb. Dövlət sahəsində orta aylıq əmək haqqı 322,3 manat, qeyri-dövlət sa-həsində isə 418,4 manat təşkil edir."

Ən yüksək orta aylıq nominal əmək haqqı elektrik, qaz, su təchizatı, sənaye və maliyyə sahələrində qeydə alınıb.

Xeberle.com