"Ailə sahibkarlığı bazar iqtisadiyyatı inkişaf etmiş ölkələrdə kəmiyyət baxımından ən çox yayılan biznes formasıdır. Ailə təsərrüfatları dünyada ən qədim və ən çox yayılan biznes forması hesab edilir. Bir çox ölkələrdə ailə təsərrüfatları bazardakı təsərrüfatların70%-dən çoxunu təşkil edir və ölkənin iqtisadi inkişafında və iş yerlərinin yaradılmasında mühüm rol oynayır. Məsələn, İspaniyada bazardakı təsərrüfatların təqribən 75%-i ailə təsərrüfatlarıdır və onların ÜDM-də payı 65%-ə çatır”. Bunu SİA-ya açıqlamasında millət vəkili Tahir Mirkişili deyib.
Deputatın sözlərinə görə, ailə təsərrüfatlarını xarakterize edən amillər onların sürətlə yaradılması, qərarların qəbulinda sərbəstlik, bazarda çeviklik, yüksək motivasiya, qənaətçillik, dövlətdən dəstək alma imkanlarıdır: "Ailə sahibkarlığı – mikrobiznes ilə özməşğulluğun sərhədində yerləşən bir formatdır. Bu baxımdan ailə biznesinin dəstəklənməsi – eyni zamanda öz əməyini digər əmək münasibətlərində reallaşdıra bilməyən insanlara, kiçik və orta sahiblarlıq sferasında kəmiyyət baxımından üstünlük təşkil edən biznesin kiçik formalarına birbaşa dəstəkdir. Adətən ailə təsərrüfatları daha çox kənd təsərrüfatı, ticarət və xidmət sahəsində geniş yayılır. Məsələn, Latın Amerikası ölkələrinə ailə təsərrüfatları büdcə daxilolmalarnın 50% ni təmin edir”.
T.Mirkişili əlavə edib ki, dünya təcrübəsi göstərir ki, dövlət dəstəyi olmadığı zaman ailə biznesləri yalnız özməşğulluq formatında qalır və milli iqtisadiyyatda əhəmiyyətli dərəcədə sosial-iqtisadi rol oynaya bilmir: "Azərbaycanda insanların, ailələrin sahibkarlıq təşəbbüsləri hər zaman yüksək olub və onlar müqayisəli üstünlüklərə malikdirlər. Azərbaycanda ailə biznesinə dövlət dəstəyinin təmin etmək məqsədilə ABAD publik hüquqi şəxsin yaradılması ailə təsərrüfatların hərtərəfli dəstəklənməsi məqsədi daşıyır. Həm biznes planların tərdib olunmasından başlayaraq son məhsulun satışınadək və eyni zamanda maliyyə dəstəyinin göstərilməsinin dəstəklənməsi dövlətin bu sahəyə yüksək qayğı gəstərəcəyini nümayiş etdirir. Hesab edirik ki, ailə təsərüfatlarının inkişafı Azərbaycanda daha çox məşğullu artıracaq, büdcə daxilolmalarını diversifikasiya edərək təbii ki, əhalinin gəlirlərini yüksəldəcək. Bu həm də o deməkdir ki, ailə təsərrüfatları milli iqtisadiyyatda mühüm sosial-iqtisadi rol oynayacaqlar.
Ailə biznesinin inkişafını təmin edən əsas faktor sürətlilik və sıfır bürokratiyanın təmin olunmasıdır. Bu baxımdan tələb olunaun prosedurların ASAN-laşdırılması və ASAN Xidmət Mərkəzlərinin özünü yüksək səviyyədə doğrultması, insanların bu mərkəzlərə yüksək inamı başlanğıcın uğurlu olmasını şərtləndirir”.

Xəbərdən istifadə edərkən istinad etmək vacibdir.