Azərbaycanın "BrailleX” IT şirkəti görmə məhdudiyyəti olan şəxslər üçün "ağıllı saat” hazırlayır.
Xeberle.com xəbər verir ki, bu barədə Trend-ə şirkətin rəhbəri Sayad İbrahimov deyib.
Onun sözlərinə görə, "Braille Watch” saatının prototipi fevralın sonunda təqdim olunacaq, payızda isə bu qurğu kütləvi istehsal üçün tam hazır olacaq.
S.İbarhimov deyib: "Braille Watch” çoxfunksiyalıdır və əlverilşli qiymətlərlə təqdim olunacaq. Qurğuya inteqrə olunan funksiyalar görmə məhdudiyyəti olan şəxslərə həyat tərzini dəyişməyə imkan verəcək. 
Bu saatdan istifadə etməklə onlar vaxtı öyrənə, SMS-ləri oxuya və cavab yaza bilərlər. Bundan başqa, "ağıllı saat”ın yolda maneənin olub-olmaması barədə məlumat vermək funksiyası da olacaq”.

Xəbərdən istifadə edərkən istinad etmək vacibdir.