Hesabat dövründə
sosial yardıma ehtiyacı olan vətəndaşlara yardım verilməsi, pensiya və
müavinatların vaxtında ödənilməsi davam etdirilib. Ünvanlı sosial yardımla əlaqədar
7651 ailəyə 3824,2 min manat yardım təyin olunub.
Xeberle.com xəbər
verir ki, bu fikirlər Sumqayıt şəhərində
2017-ci ilin birinci yarısının sosial-iqtisadi inkişafının yekunları və qarşıda
duran vəzifələrə həsr olunmuş hesabat yığıncağında səsləndirilib.
Qeyd olunub ki, şəhər
İcra hakimiyyətinin dəstəyi ilə Məşğulluq Mərkəzi əhalinin işlə təmin olunması,
onların sosial müdafiəsinin gücləndirilməsi sahəsində müvafiq tədbirlər həyata
keçirib. Mərkəzə 3905 nəfər işaxtaran müraciət edib və onlardan 1578 nəfər işlə
təmin olunub, 609 nəfərə işsizlik müavinatı təyin edilib və 60 nəfər peşə
kurslarına cəlb olunub.
Ölkə rəhbərinin tapşırığına əsasən Sumqayıt şəhərində
1110 ictimai iş yerləri açılıb.
Xəbərdən istifadə edərkən istinad etmək vacibdir.
