Ötən gün Azərbaycanda "A-98 Super" markalı benzinin qiyməti bahalaşaraq 1,2 manatdan 1,3 manata yüksəlib.  

Sözügedən məsələ "Aİ-92” markalı benzinin qiymətinin yenidən bahalaşıb-bahalaşmayacağı sualını gündəmə gətirib.
Bununla bağlı açıqlama verən iqtisadçı Natiq Cəfərli bildirib ki, "Aİ-92” marakalı benzinin qiymətinin yaxın vaxtlarda bahalaşacağına inanmır:
"Lakin gələcəkdə belə bir ehtimallar var. Bu il ərzində benzinin qiymətində dəyişiklik olacağını düşünmürəm, dizel yanacağından başqa. Ola bilər ki, əkin-biçin mövsümü bitdikdən sonra payızın sonu, qışın əvvəllərində dizel yanacağı ilə bağlı qərar olsun. Onun qiymətinin qalxmasını görə bilərik. Çünki dizel yanacağı ilə "Aİ-92” marakalı benzinin arasında çox kəskin qiymət fərqi yaranıb. Belə bir fərqin yaranması doğru deyil. Ona görə də, ola bilər ki, dizel yanacağının qiyməti bu il artsın. Amma gələn ildən neftin qiymətindən asılı olaraq, "Aİ-92”markalı benzinin qiymətinə yenidən baxıla bilər. Lakin il ərzində iki dəfə qiymət artımın olmasını düşünmürəm”.(Metbuat.az)

Xəbərdən istifadə edərkən istinad etmək vacibdir.