Yanvarın 24-də  «Azərikimya» İstehsalat Birliyində Dünya Bankının Azər­baycan üzrə nümayəndəsi xanım Larisa Lesçenkonun  başçılıq etdiyi nümayəndə heyəti ilə görüş keçirilib.  Birliyin Mətbuat xidmətindən “Xeberle.com”-a verilən məlumata görə,q qonaqları səmimi salamlayan «Azərikimya» İstehsalat Birliyinin Müşahidə Şurasının sədri, Milli Məclisin deputatı Muxtar Babayev «Azərikimya» İB-də son illərdə həyata keçirilən yenidənqurma, quruculuq və abadlıq işləri, həmçinin perspektiv layihələr haqqında geniş məlumat verib.

Görüşdə həmçinin Sumqayıtın ekoloyi vəziyyəti və ekoloji sağlam mühitin yaradıl­masında «Azərikimya»nın rolu,  eko­loyi maarifləndirmə işinin vəziyyəti və ixtisaslı fəhlə kadrların hazırlanması istiqamətində həyata keçirilən tədbirlərlə bağlı da müzakirələr aparılıb.

Öz növbəsində xanım Larisa Lesçenko təmsil etdiyi Dünya Bankının ARDNŞ-nin rəhbərliyi altında «Azərikimya» İstehsalat Birliyin həyata keçirdiyi ekoloji, təhsil və səhiyyə yönümlü layihələrdə iştirak etməkdə maraqlı olduğunu vurğulayıb və bu iştirakın mümkün istiqamətləri barədə müzakirələr aparılıb.