Azərbaycan, Gürcüstan və Türkiyə arasında elektrik enerjisinin paralel ötürülməsini nəzərdə tutan enerji körpüsü layihəsi artıq bu il ərzində reallaşacaq.

 Xeberle.com APA-ya istinadən bildirir ki, bunu jurnalistlərə açıqlamasında "Azərenerji" ASC-nin sədri Etibar Pirverdiyev deyib.

 Onun sözlərinə görə, Mingəçevir şəhərindən Gürcüstan sərhədinədək və Gürcüstanda elektrik ötürücü xətlər artıq tam hazır vəziyyətə gətirilib: "Hazırda Gürcüstan-Türkiyə sərhəddində işlər aparılır. Fikrimcə, yaxın vaxtlarda bu xətt işə salınacaq".

 E.Pirverdiyev Azərbaycanda elektrik enerjisinin qiymətinin artması məsələsinə də münasibət bildirib. O qeyd edib ki, "Azərenerji" tərəfindən bününla bağlı Tarif Şurasına təklif təqdim olunmayıb.