“Nəqliyyatın İntellektual İdarəetmə Mərkəzinin (NİİM) əsas funksiyası nəqliyyatın idarə edilməsi olduğundan, qurumun daha çox Nəqliyyat Nazirliyinin tabeliyində olması daha düzgündür”.

Bunu nəqliyyat nazirinin müavini Musa Pənahov “son günlər mətbuatda NİİM-in Rabitə və Yüksək Texnologiyalar Nazirliyinin tabeliyinə keçməsi” haqda yayılan xəbərləri şərh edərkən bildirib.

“Mərkəzin əsas məqsədi nəqliyyatın idarə olunmasından ibarətdir. Harada bir rabitə sözü varsa, onu Rabitə və Yüksək Texnologiyalar Nazirliyinə bağlamaq sözsüz ki, düzgün deyil”, - deyə nazir müavinin bildirib.

M. Pənahov həmçinin əlavə edib ki, gələn il Bakıda keçiriləcək I Avropa Yay Oyunları ilə əlaqədar həmin dövründə nəqliyyatın idarə olunması, tənzimlənməsi məsələsi NİİM tərəfindən həyata keçiriləcək.

“Hər bir nəqliyyat vasitəsi nəzarətdə olacaq ki, onların vaxtında həm idman saraylarına çatması, eyni zamanda məsələn, qonaqların şəhərə baxmaq istəkləri olarsa, bunu icra etmək olacaq. Bir sözlə, bu mərkəz menecmentdə əsas rol oynayacaq”, - deyə o qeyd edib.(apa.az)