“Böyük Bakı” layihəsi üzrə iqtisadi inkişafın əsas istiqamətlərindən biri də Sumqayıt şəhəridir.
Layihənin baş koordinatoru olan Bakı Dövlət Layihə İnstitutu bununla bağlı bir sıra təkliflər irəli sürüb.
İnstitutun direktoru İlqar İsbatov AzərTAc-a bildirib ki, H.Z.Tağıyev qəsəbəsi ətrafında sənaye qovşağının yaradılması və yeyinti sənayesinin inkişafının dəstəklənməsi həmin təkliflər sırasındadır.
Bundan əlavə, layihədə elektron sistemlərin yığılması və digər mülki təyinatlı məmulatların istehsalı üzrə müəssisələrin tikilməsi, cihazqayırma sənayesinin bərpası nəzərdə tutulub.
Təkliflər arasında yaxın gələcəkdə Sumqayıtda yüksək texnologiyaya malik sənaye parkları şəbəkəsinin genişləndirilməsi və bu çərçivədə Yüksək Texnologiyalar Universitetinin yaradılması da yer alıb.
Layihəyə, həmçinin ziyanvericilərə qarşı dərmanların və heyvandarlıqda tətbiq olunan preparatların istehsalının təşkili, iri topdansatış şəbəkələrinin və logistika mərkəzlərinin yaradılması daxildir