Ötən gün, Sumqayıt Kimya Sənaye Parkında "Tabaterra” Qapalı Səhmdar Cəmiyyətinin siqaret fabrikinin təməli qoyulub.
Xeberle.com xəbər verir ki, ildə 7 milyard ədəd siqaret istehsalı nəzərdə tutulub.
Prezident İlham Əliyev müəssisənin kollektivi ilə görüşdə də qeyd edib ki, fabrikin çox böyük əhəmiyyəti var: "Biz indi siqaret idxalından asılıyıq. Əlbəttə, biz hamımız istəyirik ki, Azərbaycanda siqaret istehlakı azalsın, insanlar bu pis vərdişdən əl çəksinlər. Ancaq hələ ki, bu, belə deyil. Əlbəttə, daxili istehsal xarici istehsalı əvəzləməlidir. Bu fabrikdə istehsal olunacaq məhsul daxili tələbatın əlli faizini bağlayacaq. Əminəm ki, gələcəkdə biz daxili tələbatımızı 100 faiz ödəyəcəyik və eyni zamanda, xarici bazarlara ixrac edəcəyik. Bu gün Azərbaycanda tütünçülük çox sürətlə inkişaf edir. Əlbəttə ki, tütünçülüyün son məhsulu olan siqaret istehsalı da Azərbaycanda yaradılır".
Xəbərdən istifadə edərkən istinad etmək vacibdir.
