Nüfuzlu "Fitch
ratings” beynəlxalq reytinq agentliyi Azərbaycanın yerli və xarici valyutada
uzunmüddətli kredit reytinqini "BBB-" səviyyəsindən "BB+” və yaxud "zibil” səviyyəsinə
endirib. Bu haqda agentliyin açıqladığı press relizdə məlumat verilmişdir. Yeni
reytinq dərəcəsi "spekulə edilmiş” və ya "zibil” səviyyə hesab olunur və bu
göstərici investisiya yatırımları üçün son dərəcə riskli sayılır.
Agentlik
tərəfindən reytinqin endirilməsi dünya bazarlarında
neft qiymətlərinin kəskin ucuzlaşması həmçinin ölkənin valyuta ehtiyatlarının
azalması ilə izah olunur.
Qeyd edək
ki, cari ilin yanvar ayının 29-da digər reyting agentliyi olan "Standars and
Poor’s” reytinq agentliyi də Azərbaycanın
kredit reytinqini "BBB-” səviyyəsindən "BB+” səviyyəsinədək endirmişdi. AR
Maliyyə Nazirliyi isə reytingin hesablanması zamanı qurumun qərəzli yanaşdığını
və bu nəticələrlə razılaşmadığını bəyan etmişdi.
Zamiq
Şükürov
iqtisadçı-ekspert
Xəbərdən istifadə edərkən istinad etmək vacibdir.
