"Sumqayıt Kimya Sənaye Parkı"nın (SCIP) ərazisində logistika mərkəzi inşa olunacaq.
Xeberle.com Report-a istinadla xəbər verir ki, bunu jurnalistlərə SCIP-ın baş direktoru Nazim Talıbov deyib.
N.Talıbovun sözlərinə görə, hazırda logistika mərkəzinin layihə-smeta sənədləri hazırlanır:"Bu məqsədlə SCIP-ın ərazisində 10 ha ərazi ayrılıb və tezliklə işə başlanılacaq. Logistika mərkəzi tikilib başa çatdıqdan sonra rezidentlərin ixtiyarına veriləcək".
SCIP rəsmisi, həmçinin "yaşıl dəhliz" çərçivəsində Dövlət Gömrük Komitəsinin əməkdaşları tərəfindən malların və yüklərin cəmi 10%-nin yoxlanacağını deyib.
Xəbərdən istifadə edərkən istinad etmək vacibdir.
