Bu barədə Xeberle.com-a Dövlət Statistika Komitəsinin Sumqayıt şəhər  şöbəsindən   məlumat verilib.  Bildirilib ki, məhsul buraxılışının tərkibində fiziki şəxslərin istehsal etdikləri məhsul göstəricilərini nəzərə almaqla ötən ilin hesabat dövrü ilə müqayisədə sənaye məhsulunun istehsalı müqayisəli qiymətlərlə 5,8 faiz, ticarət; nəqliyyat vasitələrinin təmiri 4,9 faiz, informasiya və rabitə təşkilatları tərəfindən yerinə yetrilən işləri 2,3 dəfə, tikinti quraşdırma işləri 2,0 dəfə artım, kənd təsərrüfatı 1,3 faiz, nəqliyyat və anbar təsərrüfatı 0,9 faiz olmaqla azalma olub.  Məhsul buraxılışının tərkibində sənayenin xüsusi çəkisi 63,7 faiz təşkil edib. Məhsul həcminin 70,4 faizi iqtisadiyyatın qeyri-neft sahələrində istehsal olunub. Hesabat dövründə məhsul buraxılışının əhalinin hər bir nəfərinə düşən həcmi 3835,2 manat olub.