Dövlət Statistika Komitəsinin Sumqayıt şəhər şöbəsindən Xeberle.com-a verilən məlumata görə, 2018-ci ilin yanvar-dekabr ayları ərzində məhsul buraxılışının həcmi ötən ilin müvafiq dövrü ilə müqayisədə faktiki qiymətlərlə 30,2 faiz, müqayisəli qiymətlə 17,7 faiz və ya 271070,0 min manat artaraq 1 milyard 995 min 256 manat olub.Məhsul buraxılışının tərkibində fiziki şəxslərin istehsal etdikləri məhsul göstəricilərini nəzərə almaqla ötən ilin hesabat dövrü ilə müqayisədə sənaye məhsulunun istehsalı müqayisəli qiymətlərlə 0,7 faiz, ticarət; nəqliyyat vasitələrinin təmiri 4,9 faiz, informasiya və rabitə təşkilatları tərəfindən yerinə yetrilən işləri 4,7 dəfə, tikinti quraşdırma işləri 2,8 dəfə, kənd təsərrüfatı 5,3 faiz, nəqliyyat və anbar təsərrüfatı 1,0 faiz artım olub.

Məhsul buraxılışının tərkibində sənayenin xüsusi çəkisi 63,4 faiz təşkil edib.

Məhsul həcmibütövlükdə iqtisadiyyatın qeyri-neft sahələrində istehsal olunub.

Hesabat dövründə məhsul buraxlışının əhalinin hər bir nəfərinə düşən həcmi 5252,8 manat olub. Ötən ilin müvafiq dövrü ilə müqayisədə hər nəfərə düşən məhsul buraxılışı 44,7 faiz artıb.

Xədicə Səxavətqızı

Xeberle.com