Sumqayıtda yanvar-iyul aylarında əhaliyə göstərilən ödənişli xidmətlərin həcmi artıb.
Xeberle.com-un məlumatına görə, hesabat dövründə şəhər əhalisinə istehlak məqsədi ilə 651542,4 min manatlıq və ya ötən ilin müvafiq dövrü ilə müqayisədə 3,3 faiz çox istehlak malları satılıb və ödənişli xidmət göstərilib.
Ticarət dövriyyəsinin həcmi ötən illə müqayisədə müqayisəli qiymətlərlə 3,8 faiz artaraq 506849,4 min manat olub. İaşə şəbəkələrində əhaliyə 17713,2 min manatlıq və ya ötən illin hesabat dövrü ilə müqayisədə 0,3 faiz çox iaşə xidmətləri göstərilib.
Əhaliyə göstərilən ödənişli xidmətlərin həcmi isə 144693,0 min manat olub ki, 2018-ci ilin müvafiq dövrü ilə müqayisədə 3,0 faiz artıb.
Xəbərdən istifadə edərkən istinad etmək vacibdir.
