Mərkəzi Bankın qərarı ilə bankların nizamnamə kapitalının minimum həddinin 10 milyon manatdan 50 milyon manatadək qaldırılması əksər banklar üçün bağlanma təhlükəsi yaratsa da, bu, baş verməyə bilər.
Axar.az xəbər verir ki, bankların kütəvi şəkildə bağlanması dövləti mühüm vergi gəlirlərindən məhrum edər. Məhz bu səbəbdən Mərkəzi Bank təyin olunmuş vaxtı uzatmaq qərarındadlr.
Mərkəzi Bank bu qərarı kapitalın keyfiyyətinin və maliyyə vasitəçiliyi effektivliyinin artırılması, bank sisteminin dayanıqlığının və maliyyə sabitliyinin daha da gücləndirilməsi istəyi ilə izah etməyə çalışsa da, real faktlar bu istəkləri gerçəkləşdirməyə hələ imkan vermir.
Xatırladaq ki, müəyyən olunan kapitalı toplamayan bankların adı artıq məlumdur. Bu banklar aşağıdakılardır?
"Azərbaycan Sənaye Bankı” - 29,9 milyon;
"Zaminbank” - 26 milyon;
"Turanbank” - 25,5 milyon;
"Bank of Azərbaycan” - 25,3 milyon;
"Kredobank” - 22,7 milyon;
"Bank Avrasiya” - 18,8 milyon;
"NBC Bank” - 18,4 milyon;
"Rabitəbank” - 16 milyon;
"Gəncəbank” - 15,9 milyon;
"Dekabank” - 14,6 milyon;
"Qafqaz İnkişaf Bankı” - 14,4 milyon;
"Parabank” - 13,8 milyon;
"Bank Kredit United” - 13,5 milyon;
"Günaybank” - 13,364 milyon;
"Azər-Türk Bank” - 13,2 milyon;
"Atrabank” - 11,4 milyon.
Xəbərdən istifadə edərkən istinad etmək vacibdir.
