2020-ci ilin yanvar-iyul aylarında dövlət büdcəsinə 13 milyard 960,2 milyon manat vəsait daxil olub.
Bu müddət ərzində büdcədən 14 milyard 142,6 milyon manat vəsait xərclənib, büdcənin icrasında 182,4 milyon manatlıq kəsir yaranıb.
Mərkəzi Bankın məlumatlarına görə, 2020-ci il iyul ayının 1-nə ölkənin bank və digər kredit təşkilatlarının kredit portfeli milli valyuta ekvivalentində 14 milyard 550,7 milyon manat təşkil edib, onun 12 milyard 57,2 milyon manatı uzunmüddətli kreditlər olub. Ödəmə vaxtı keçmiş kreditlərin məbləği ümumi kredit portfelinin 7,3 faizini təşkil edib. Əhalinin banklardakı əmanətlərinin milli valyuta ekvivalentində məbləği 2020-ci il iyul ayının 1-nə 7 milyard 706,4 milyon manat təşkil edib
Xəbərdən istifadə edərkən istinad etmək vacibdir.
