Dövlət Komitəsi məlumat yaydı.
Azərbaycanda "Halal” sözündən istifadə edərək markalanmış "Kristal CF” əmtəə nişanlı "Baranina” kolbasasının tərkibində donuz əti və piyi aşkar edilib.
Bu barədə Standartlaşdırma, Metrologiya və Patent üzrə Dövlət Komitəsindən bildiriblər.
"Komitə yanında Texniki Tənzimləmə və Standartlaşdırma üzrə Dövlət Nəzarəti Xidməti tərəfindən yeyinti məhsullarının keyfiyyətinin və təhlükəsizliyinin təmin edilməsi məqsədi ilə aparılan monitorinq zamanı ticarət şəbəkəsindən nümunə olaraq götürülmüş "Orxan-SS” firmasının istehsal etdiyi "Kristal CF” əmtəə nişanlı "Baranina” kolbasasının laboratoriyada sınaqları aparılıb.
Müayinələr nəticəsində üzərində "halal” sözü yazılmış "Kristal CF” əmtəə nişanlı yarım hisə verilmiş "Baranina” kolbasasının tərkibində AZS 731-2012 "Halal qida” standartına zidd olaraq donuz əti və piyi aşkar edilib.
Hazırda faktla bağlı qanunvericiliyə uyğun olaraq tədbirlər görülməkdədir. (oxu.az)
Xəbərdən istifadə edərkən istinad etmək vacibdir.
