Son günlər "Johnson & Johnson” şirkətinin koronavirus dərmanının sınaqlarını dayandırması barədə xəbərlərin də təsirilə qızıl bu günkü hərraclarda yenə bahalaşıb.
Xeberle.com xəbər verir ki, Bakı vaxtı ilə saat 9.27-də Nyu-Yorkun "Comex” birjasında qızılın noyabr fyüçersləri 0,19 faiz bahalaşaraq 1.898,2 ABŞ dollarından, gümüşün dekabr fyüçersləri isə 0,38 faiz bahalaşaraq 24,21 ABŞ dollarından satılıb.
Xatırladaq ki, ötən gün ABŞ-da iqtisadi dəstək tədbirlərinin təsdiqlənməsinə dair gözləntilərin təsirilə qızıl 1,7 faiz ucuzlaşmışdı. Bu gün isə əks-təsirlə yanaşı, "Johnson Johnson" şirkəti tərəfindən hazırlanmış koronavirus dərmanının sınaqlarını könüllülərdən birində naməlum xəstəlik aşkarlandığı üçün dayandırması xəbərləri də bahalaşmağa təkan verib.
Qeyd edək ki, dünya boyu koronavirusa yoluxmaların artması və adıçəkilən dərmanın sınaqlarının dayandırılması ən etibarlı aktiv kimi tanınan qızılın qiymətlərini artıran amildir.
Xəbərdən istifadə edərkən istinad etmək vacibdir.
