İqtisadiyyat Nazirliyi yanında Dövlət Vergi Xidməti Nazirlər Kabinetinin koronavirus (COVID-19) pandemiyasından zərər çəkmiş sahələrdə muzdlu işçilərin əməkhaqqının müəyyən hissəsinin ödənilməsi ilə bağlı maliyyə dəstəyinin davam etdirilməsi barədə qəbul etdiyi qərara əsasən, 3-cü mərhələ çərçivəsində 8 657 muzdlu işçini əhatə edən 1 776 vergi ödəyicisinə maliyyə dəstəyi göstərib.
Nazirlikdən verilən məlumata görə, sahibkarlara ümumilikdə 1,447 milyon manat ödənilib.
Bundan başqa, Nazirlər Kabinetinin fərdi (mikro) sahibkarlara maliyyə dəstəyinin davam etdirilməsi barədə qəbul etdiyi qərara əsasən, 3-cü mərhələ çərçivəsində 12 982 fərdi (mikro) sahibkara 5,992 milyon manat maliyyə dəstəyi göstərilib.
Beləliklə, sahibkarlara ümumi ödənişin məbləği 7,439 milyon manat təşkil edib.
Xəbərdən istifadə edərkən istinad etmək vacibdir.
