"Dekabrın 9-dan YAŞAT Fondunun fəaliyyəti ilə bağlı ciddi addımlar atılıb. Ümumilikdə 2 787 şəhid və qazilərimizin ailə üzvləri ilə görüş keçirilib”.
Xeberle.com xəbər verir ki, bunu Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev bu gün keçirilən mətbuat konfransında deyib. Onun sözlərinə görə, artıq 1 483 şəhid və qazi ailələrinin problemlərinin həll olunması ilə bağlı qərarlar qəbul edilib. Ümumilikdə isə bu kateqoriyadan olan 11 192 şəxsə baş çəkilib.
Ülvi Mehdiyev əlavə edib ki, indiyədək Fonda 24 804 936,86 manat toplanıb: "Onlardan 15 036 831,70 manat fiziki şəxslər, 9 768 105,16 manat isə hüquqi şəxslər tərəfindən ödənilib. "YAŞAT” fondu tərəfindən 883 278,49 manat vəsait xərclənib. Aidiyyatı təşkilat tərəfindən qarşılanan məbləğ isə 36 793,65 manat olub”.
Xəbərdən istifadə edərkən istinad etmək vacibdir.
