"Rusiya bir müddət sonra geri addım atacaq və Qərblə barışığa gedəcək, hətta AB ilə tərəfdaşlıq imzalayacaq, NATO - Rusiya komissiyası yenidən çalışacaq”.
Bu açıqlama ilə iqtisadçı ekspert Natiq Cəfərli öz Feysbuk səhifəsində çıxış edib. Ekspertin sözlərinə görə, iqtisadi tənəzzül Rusiyanı geri addım atmağa vadar edəcək:
"1 dollar - 65 rubl, 1 avro - 76 rubl, Brent markalı neft - 50,64 dollar, Rusiya neft markası "Ural” isə 49,80 dollardır. Rusiyanın 720 milyard dollar xarici borcu var. 2015-ci ildə 134 milyard dollar borc qaytarılmalıdır. Rusiyanın qızıl-valyuta ehtiyatları hər həftə 10 milyard dollar azalır. Rusiya bir müddət sonra geri addım atacaq və Qərblə barışığa gedəcək, hətta AB ilə tərəfdaşlıq imzalayacaq, NATO - Rusiya komissiyası yenidən çalışacaq. Ən gülməlisi isə budur ki, Kremlə güvənib Qərbə qarşı Moskvadan daha sərt çıxış edən balaca ölkələr arada qalıb pis duruma düşəcəklər. Məşhur lətifədə olduğu kimi, Don Pedronun yanında biabır olacaqlar. Adam bir-iki addım irəlini görməyəndə belə olur həmişə, yəni biabır olur...” (axar.az)
Xəbərdən istifadə edərkən istinad etmək vacibdir.
