"Azərbaycanın işğaldan azad edilmiş ərazilərinə köklü qayıdış planının hazırlanması gözlənilir”.
Xeberle.com xəbər verir ki, bunu Kənd Təsərrüfatı Nazirliyinin (KTN) Aqrar Tədqiqatlar Mərkəzinin sədri Firdovsi Fikrətzadə deyib.
Onun sözlərinə görə, həmin ərazilərdə əkin sahələrinə subsidiyaların verilməsi əsasən simvolik xarakter daşıyır: "Əsas məqsəd həmin ərazilərimizə qayıdışı stimullaşdırmaqdır. Bu il pilot layihə olaraq arıçılıq və qoyunçuluq təsərrüfatları Kəlbəcər yaylaqlarına köçürüldü. Hazırda azad edilmiş ərazilərdə mina təmizləmə işləri həyata keçirilir”.
O əlavə edib ki, dövlət orada torpaq strategiyası formalaşdırır: "Biz həmin ərazilərdə fəaliyyət üçün maddi texniki baza formalaşdırırıq”.
Xatırladaq ki, bu gün elan olunmuş subsidiya qaydalarına görə, işğaldan azad edilmiş şəhər və rayonlar da subsidiya ödəniləcək ərazilərə aid edilib.
Xəbərdən istifadə edərkən istinad etmək vacibdir.
