Sumqayıt şəhərində telefon və elektrik malları satılan dükanlarda gərgin vəziyyət yaranıb.

Bəzi dükanlar öz nağd və kredit satışlarını dayandırıblar. Əhali arasında narazılıq yaranıb. Birlik.az saytının əməkdaşı "İrşad telecom" - telefon və elektrik malları satılan dükana girib. Əməkdaşımıza bildiriblər ki, "nə nəğd, nə də kredit satışı var. Hələlik xəbər gözləyirik"

Satıcılar və dükan müdiriyyəti bunu dolların qalxması və manatın kəskin düşməsi ilə bağlayırlar. Onların dediyinə görə, bu vəziyyətdə satış etməmək ən yaxşı variantdır, baxmayaraq ki, satışı dayandırmaq özü də dükan sahiblərinə ciddi maddi zərbə olacaq. (birlik.az)