Bu ilin yanvarında metallurgiya sənayesində istehsal həcmi 17,3 mln manat olub. Bu, ötən ilin eyni dövründəkindən 38,7% azdır. Tikinti sektoruna investisiyaların azalması, görünür, öncə bu sahəyə zərbə vurub.

Dövlət Statistika Komitəsinin məlumatına görə, yanvarda polad əridilməsi iki dəfə azalaraq 17,7 min ton olub. 19,3 min ton tikinti armaturu istehsal edilib ki, bu da ötən ilin eyni dövründəkindən 30,1% azdır.

Anbarlarda isə 26,4 min ton hazır məhsul yığılıb. Həmçinin 1 666,8 ton polad boru istehsal edilib. Bu, bir il əvvəlkindən üçdə bir dəfə azdır. Alüminium və mis çubuqlar, millər, kabel və profillərin istehsalı 46,4% və 82,4% azalıb. Sumqayıt mis tullantısı emalı zavodu fəaliyyətini dayandırdığını elan edib.

Xammal azlığından "Baku Steel Company” MMC-nin də fəaliyyəti dayandırılıb. (virtualaz.org)