Fransanın paytaxtı Parisdə 150-dən artıq insanın öldüyü, yüzlərlə insanın yaralandığı böyük terror aktı törədilib. Öncə şəhərin şimal bölgəsində restoranlardan birində atışma olub. Daha sonra "Stad de France” stadionu yaxınlığında Fransa prezidenti, ölkənin xarici işlər naziri və Almaniya XİN rəhbərinin də izlədikləri Fransa-Almaniya futbol qarşılaşması zamanı bir neçə partlayış törədilib. Eyni zamanda, Parisin 11-ci dairəsində yerləşən "Balaklan” teatrında ABŞ rok-qrupunun konserti zamanı yüzlərlə insan girov götürülmüşdü. 

Bu barədə CNN və Euronews telekanalları məlumat yayıb.
Xeberle.com "Franspress"ə istinadən xəbər verir ki, Parisə terror hücumları zamanı 8 terrorist məhv olub. Onlardan 4-ü "Balaklan" teatrında, 3-ü stadionda, 1-i isə Volter bulvarında özünü partladıb.

Fransa hakimiyyət orqanlarının məlumatına görə, hücumların qurbanı 153 nəfər olub. Onlardan 112 nəfəri xüsusi təyinatlılar tərəfindən azad edilən "Balaklan" konsert zalında ölüb. (Fotolar "RİA Novosti" agentliyinə məxsusdur)
Xeberle.com