Qəza zamanı torpaq topaları ilə üzbəüz gələn sürücü idarəetməni itirib və nəticədə avtomobil uzun bir məsafəni sürüşərək yol qırağındakı ağaclığa çırpılıb

Dünən Sumqayıtın 6-cı mikrorayon ərazisində dəhşətli yol qəza hadisəsi baş verib. Heydər Əliyev adına parka paralel olan yolda baş verən qəzaya səbəb yol qırağındakı səkiləri düzəltmək üçün istifadə edilən torpağı avtomobillərin hərəkət istiqamətinə tökülməsi olub. Yola tikinti materialının tökülməsi azmış kimi, həmin əraziyə təmirlə bağlı heç bir nişan da yerləşdirilməyib. Qəza zamanı torpaq topaları ilə üzbəüz gələn sürücü idarəetməni itirib və nəticədə avtomobil uzun bir məsafəni sürüşərək yol qırağındakı ağaclığa çırpılıb. Hadisə nəticəsində sürücü ağır xəsarət alıb və dərhal xəstəxanaya yerləşdirilib.

Olayla bağlı lentə alınan həvəskar kamera çəkilişini sizlərə təqdim edirik. /AzadXeber.az/