Havaların nisbətən soyuq keçməsi mavi yanacağa olan tələbatı artırıb. Sumqayıt şəhərinin bir çox ərazisində mavi yanacağın verilməsində müxtəlif problemlər yaranıb. Şəhərin bəzi yerlərində təbii qazın olmamasından şikayətlər edilir. Sumqayıt şəhər qaz istismar idarəsinin baş mühəndisi Teymur Vəliyev bu barədə Xeberle.com - a açıqlamasında bildirib ki, bu il şəhərin təbii qaza olan ehtiyacı ötən illə müqayisədə gözlənildiyindən də çoxalıb: "Bunun da mənzillərdə kombi sisteminin qurulması ilə əlaqədar olduğu hesab edilir. Hazırda Sumqayıta verilən mavi qazın miqdarı 250-300 min m3 artırılsa belə, yenədə artan tələbatı ödəmir. O üzdən mavi yanacağın yenə də artırılması ilə bağlı müraciətlər edilib”.

Baş mühəndis hal-hazırda şəhərin qaz istismar idarəsinin bu problem üzərində iş apardığını və yaxın günlərdə mavi yanacağın verilməsində olan problemin aradan qaldırılanağını bildirdi.