Bildiyiniz kimi, Prezident İlham Əliyev 2013/2014-cü tədris ilində keçirilmiş "Ən yaxşı müəllim” müsabiqəsinin qaliblərinin mükafatlandırılması haqqında sərəncam imzalayıb. "Ən yaxşı müəllim” müsabiqəsində müvəffəqiyyət qazandıqlarına görə müəllimlər 5000 (beş min) manat məbləğində birdəfəlik pul mükafatı ilə mükafatlandırılıblar. Mükafatlandırılanlar arasında Sumqayıt şəhərinin müəllimləri də var. Sumqayıt şəhər Təbiət Elmləri Təmayüllü Gimnaziyasının 4 nəfər müəllimi də müsabiqənin qalibləri sırasındadır. İlin "Ən yaxşı müəllimi” müsabiqəsinin qalibi adına layiq görülənlər : Quliyeva Ulduz İsmxan qızı – Tarix müəllimi Şəfiyeva Dilarə Əkbər qızı- Tarix müəllimi Abbasova Həqiqət Fəzi qızı- Biologiya müəllimi Orucova Səbinə Vaqif qızı- Ana dili və ədəbiyyat müəllimi

Qeyd edək ki, Quliyeva Ulduz və Abbasova Həqiqət artıq ikinci dəfədir ki, İlin "Ən yaxşı müəlllimi” müsabiqəsinin qalibi seçilirlər. Mükafata layiq görülən bütün müəllimləri təbrik edirik.

Aytən, xeberle.com