Yeni il münasibəti ilə Sumqayıt şəhərində bir sıra şənliklərin keçirilməsi nəzərdə tutulub. Bu barədə Xeberle.com-a Sumqayıt şəhər Mədəniyyət və Turizm idarəsinin rəisi Namiq Qaffarov məlumat verib. O məlumat verib ki, artıq Sumqayıtın 6 yerində böyük küknar ağacları quraşdırılıb. Onlardan ən nəhəngi isə Bayraq meydanında bəzədilib. Bayram günü şəhərin 4 müxtəlif yerində saat 18-dən 20:00-a qədər konsert proqramları təşkil olacaq. Nəriman Nərimanov adına Mədəniyyət Evində 3 gün: Dekabrın 29, 30 və 31-də uşaqlar üçün Yeni il şənlikləri keçiriləcək.
Dekabr ayının 30-da isə Bayraq meydanında saat 18:00-da möhtəşəm diskoteka keçirilməsi nəzərdə tutulub.
Aytın Əli
Xeberle.com
Xəbərdən istifadə edərkən istinad etmək vacibdir.
