Azərbaycanda fəaliyyət göstərən ən böyük bələdiyyələrdən biri də Sumqayıt şəhər Bələdiyyəsidir. Artıq son seçkilərdən 1 həftə müddət ötür. Bələdiyyə üzvlərinin yaş həddinə diqqət etdikdə, görürük ki, ən yaşlısının 67, ən cavanın isə 27 yaşı var. Bələdiyyəyə seçilənlərdən professor Əbülfəz Babayevin 67, ilk dəfə bələdiyyə üzvü olmağın sevincini yaşayan Elvin Məmmədzadənin 27 yaşı var. Şəhərimizin yerli özünüidarəetmə orqanın üzvlərini orta yaş həddi 47-dir. Ötən bələdiyyə üzvlərinin yaş həddinə də diqqət yetirdikdə burada da orta yaş həddinin 47 olduğunu müşahidə edirik. 4 il ard-arda Bələdiyyə seçkilərində qalib gələn, həm də elm xadimi olan Əbülfəz Babayev ictimaiyyətə məlum olan ziyalıdır. Məhz bu səbəbdən, düşünürük ki, onun geniş təqdimata ehtiyacı yoxdur. Həmçinin az öncə Bələdiyyə üzvləri və quruma 4 il ərzində seçilənlər haqda geniş araşdırma materialı təqdim etmişdik.

Görəsən Sumqayıt bələdiyyəsinə keçirilən son seçkilərdə özünüidarəetmə orqanına üzv seçilən Elvin Məmmədzadə kimdir?

Elvin Məharət oğlu Məmmədzadə 1 yanvar 1987-ci ildə anadan olub. Orta təhsilini 2004-cü ildə Sumqayıt şəhər 26 saylı orta məktəbdə başa vurub. Və həmin il Azərbaycan Kooperasiya Universiteti "Muhasibat uçotu və audit" fakultəsinə daxil olub. Ali təhsili ilə yanaşı əmək fəaliyyətinə də başlayaraq 2006-cı ildə "Barmek Azərbaycan” Elektrik Şəbəkəsində çalışıb. Hazırda "Azerenerji” ASC-nin "Sumqayıt Regional Elektrik Şəbəkəsi" MMC-nin ( REŞ) Abonentlərə Xidmət Şöbəsinin rəisidir. O, cümlədən "Sumqayıt REŞ" MMC-nin Abonent Şikayətlərinin Araşdırılması Komissiyasının və "Sumqayıt REŞ" MMC-nin Yeni Azərbaycan Partiyası Gənclər Birliyinin sədridir. Yeni Azerbaycan Partiyası Sumqayıt Şəhər Təşkilatı Gənclər Birliyinin fəalıdır. Yeni Azerbaycan Partiyasının V Qurultayı, Sumqayıt Gənclərinin VII Konfransı və Respublika Gənclərinin VII Forum iştirakçısıdır.

Xeberle.com