Bu gün axşam saatlarında Sumqayıtda yol qəzası baş verib. Belə ki, Sumqayıt Şəhər Polis İdarəsinin Post-Patrul xidmətinin avtomobili qəzaya uğrayıb. Hadisə şəhərin 20 Yanvar və Nizami küçələrinin kəsişməsində qeydə alınıb. Yol kəsişməsində "Dayan" nişanının tələblərinə riayət etməyən VAZ 2107 markalı avtomobilin sürücüsü idarəetməni itirərək nəqliyyat vasitəsini Post-Patrul xidmətinin avtomobilinə çırpıb. Xoşbəxtlikdən xəsarət alan olmasa da, avtomobillərə ciddi ziyan dəyib.
Qeyd edək ki, bu küçələrdə tez-tez yol qəzaları baş verir.
Xeberle.com
Foto Ömürtay Şükürlünündür
Xəbərdən istifadə edərkən istinad etmək vacibdir.
