Sumqayıt
şəhərində qəbirlər suyun altında qalıb.
Xeberle.com xəbər verir ki, söhbət Sumqayıtın
Hacı Zeynalabdin qəsəbəsində yerləşən qəbiristanlıqdan gedır.
Son
günlər yağan yağışlar nəticəsində qəbiristanlığı su basıb. Ona görə də sakinlər
yaxınlarının qəbirlərini ziyarət edə bilmirlər.
Sakinlər
bildirirlər ki, bu acınacaqlı vəziyyət yeni qəbrlərə daha pis təsir edir.
Yaxınları yeni dəfn edilən şəxsin qəbrini tapmaqda çətinlik çəkirlər.
Məsələ
ilə bağlı Hacı Zeynalabdin qəsəbəsi üzrə icra nümayəndəliyindən bildirildi ki, son günlər yağan intensiv yağışlar bəzi ərazilərdə
qrunt sularının yaranmasına səbəb olub. Qəbiristanlıqdakı sular tezliklə təmizlənəcək
və belə hadisələrin təkrarlanmasının qarşısının alınması istiqamətində işlər
görüləcək.(xezerxeber.az)
Xəbərdən istifadə edərkən istinad etmək vacibdir.
