Mirzə Fətəli Axundov yaradıcılığı bütün dövrlərdə səhnə üçün xüsusi maraq kəsb edib.
Mütəfəkkir dramaturqun komediyalarındakı dramaturji material rejissora maraqlı yozum, aktyora çeşidli improvizə imkanı verib.
Sumqayıt Dövlət Dram Teatrında da dəfələrlə Axundov yaradıcılığna müraciət edilib və bir çox beynəlxalq festivallarda uğur qazanılıb. "Müsyo Jordan və Dərviş Məstəli Şah" komediyası da Sumqayıt teatrının repertuarında önəmli yer tutur.
Bu barədə Xeberle.com-a teatrdan bildirilib. Qeyd olunub ki, Azərbaycan peşəkar milli teatrının 150 illiyi çərçivəsində, habelə Sumqayıt Dövlət Dram Teatrının 55 illiyi münasibətilə Firudin Məhərrəmovun quruluş verdiyi "Müsyo Jordan və Dərviş Məstəli Şah" komediyası martın 14-də yenidən tamaşaçılara təqdim ediləcək.
//
Xəbərdən istifadə edərkən istinad etmək vacibdir.
