Sumqayıt Regional Mədəniyyət İdarəsinə tabeli Abşeron rayon Xırdalan şəhər Onbirillik Musiqi Məktəbinin Nəzəriyyə, xalq-çalğı alətləri, fortepiano şöbəsi, vokal və xanəndəlik sinfinin müəllimlərinin ifasında dahi bəstəkar Üzeyir Hacıbəylinin "Arşın mal alan" operettasının tamaşa-konsert ifası təqdim olunub.

İlk növbədə tədbirin bilavasitə təşkilaçıları və aparıcıları Arzu Şükürova və Mətanət Əhmədova tərəfindən dahi bəstəkarın həyat və yaradıcılığından geniş söhbət açılaraq "110" il bundan öncə yazılan operettanın tarixindən ətraflı melumat verilib. Maraqla qarşılanan tədbirdə iştirak edən Sumqayıt Regional Mədəniyyət İdarəsinin məsləhətçisi Süleyman Həsənzadə ve məktebin direktoru Əməkdar müəllim İkram Manafov öz çıxışlarında təşkilatçılara və iştirakçılara təşəkkür edərək, minnətdarlıqlarını ifadə ediblər. Sonda xatirə şəkilləri çəkilib.