Sumqayıt Dövlət Dram Teatrının 55 illik yubileyi ilə bağlı teatrının bir qrup əməkdaşı millət vəkili, Milli Məclisin Mədəniyyət komitəsinin sədri Qənirə Paşayeva tərəfindən qəbul edilib.
Xeberle.com xəbər verir ki, Qənirə Paşayeva cəmiyyətin formalaşmasında, gənc nəslin yetişməsində teatrın önəmli rolundan danışıb, türkdilli xalqların bir kökə, eyni estetik göstəricilərə söykənən teatr ənənələrindən söz açıb və gələcəkdə beynəlxalq əməkdaşlıqda Sumqayıt teatrının kollektivini də görmək istədiyini bildirib, Sumqayıt Dövlət Dram Teatrının keçdiyi 55 illik şərəfli yoldan danışıb.
Teatrın direktor səlahiyyətlərini icra edən Əməkdar artist Vidadi Məmmədov, baş rejissor, Xalq artisti, Prezident mükafatçısı, "Qızıl Dərviş" mükafatı laureatı Firudin Məhərrəmov, Əməkdar artist Fəranə Musayeva, truppa müdiri Zöhrəli Əliyev göstərilən diqqət və qayğıya görə minnətdarlıq bildiriblər.
Sonda Qənirə Paşayeva kollektiv üzvlərinə xatirə hədiyyələri təqdim edib.
Xəbərdən istifadə edərkən istinad etmək vacibdir.
