Sumqayıt Regional Mədəniyyət İdarəsinə tabeli Sumqayıt Dövlət Rəsm Qalereyasının təşkilatçılığı ilə Dövlət Sərhəd Xidməti Akademiyasında "31 Mart soyqırımını unutmadıq” adlı səyyar sərgi təşkil edilib. Sərgidə Rəsm Qalereyasının direktoru Ellada Həsənova1918-ci ilin mart-aprel aylarında rus imperiyasının tapşırığı ilə Bakı Soveti və daşnak erməni silahlı dəstələri tərəfindən Bakı şəhərində, Bakı quberniyasının müxtəlif bölgələrində, eləcə də, Şamaxı, Quba, Xaçmaz, Lənkəran, Hacıqabul, Salyan, Zəngəzur, Qarabağ, Naxçıvan və digər ərazilərdə azərbaycanlılara qarşı törədilən soyqırımı hadisələri haqqında ətraflı məlumat verib. Akademiyanın rəisi general-mayor Azər İbrahimov və akademiyada təhsil alan kursantlar sumqayıtlı peşəkar rəssamların 31 Mart soyqırımına həsr etdikləri rəsm əsərləri ilə tanış olublar. Sonda rəssamlar Fəxri Fərmanlarla təltif ediliblər.
Xəbərdən istifadə edərkən istinad etmək vacibdir.
