Sumqayıt şəhər Hacı Zeynalabdin Tağıyev qəsəbəsində yerləşən Ə.Bakıxanov adına uşaq incəsənət məktəbinin şagirdləri Misir Mədəniyyət Mərkəzində olublar.
Mərkəzdən AZƏRTAC-a bildirilib ki, Əhməd Sami əl-Aydi şagirdlərə rəhbərlik etdiyi qurumun yaranma tarixindən, fəaliyyət istiqamətlərindən söhbət açıb. Sonra Misir mədəniyyətini və sivilizasiyasını əks etdirən film nümayiş olunub.
İncəsənət məktəbinin rəsm müəllimi Nəsibə Şükürova dəvət üçün şagirdlərin və valideynlərin adından Misir Mədəniyyət Mərkəzinin rəhbərliyinə təşəkkürünü bildirib və hədiyyə olaraq bir əl işi təqdim edib.
Görüşdə bir sıra təkliflər müzakirə olunub. Onlardan biri Misir Mədəniyyət Mərkəzində uşaqların əl işlərindən ibarət sərginin keçirilməsi olub.