İyunun 23-dən 28-dək Rusiya Federasiyasının Tolyatti şəhərində 12-ci "Günəşli planet" Beynəlxalq Ritm festivalı keçirilib.
Bu festivalın əsasını Rusiyada yaşayan həmyerlimiz, peşəkar musiqiçi Yusif Mayılov qoyub. Y. Mayılov 1983-cü ildə Sumqayıt şəhərində anadan olub. Sumqayıt şəhər 11 saylı orta məktəbi bitirib. 2013-cü ildə ömrünün 30-cu baharında avtomobil qəzasında həyatını itirib. İki ildir ki, bu festival onun xatirəsinə həsr olunur.
Dünyanın müxtəlif yerlərindən 23 ölkənin musiqiçilərinin qatıldığı festivalda Azərbaycanı Sumqayıt şəhər Nəriman Nərimanov adına Mədəniyyət Mərkəzində fəaliyyət göstərən "Rövşən" ritm qrupu təmsil edib.
Məlumat üçün bildirək ki, Azərbaycan ilk dəfə olaraq bu musiqi bayramında təmsil olunur.
Festivalın açılış mərasimində çıxış edən Y.Mayılovun anası Solmaz Mayılova musiqi bayramında iştirak edən iştirakçıları salamlayaraq onlara uğurlar arzulayıb. O, belə bir festivalın oğlunun xatirəsinə həsr olunmasından qürur hissi keçirdiyini bildirib.
Açılış mərasimində ölkəmizi təmsil edən "Rövşən" ritm qrupunun çıxışı iştirakçılar tərəfindən coşqu ilə qarşılanıb. Qrupun səsləndirdiyi musiqilər, o cümlədən "Sarı gəlin" xalq mahnısı tamaşaçılar tərəfindən böyük maraqla izlənilib. Ölkəmizi təmsil edən qrup beynəlxalq festivalın növbəti günündə də öz məharətini göstərərək iştirakçılara bir-birindən maraqlı musiqi nömrələri təqdim edib. Həmyerlilərimizin bu çıxışları tamaşaçıların alqışları ilə müşayiət olunub.
Qeyd edək ki, N. Nərimanov adına Mədəniyyət Mərkəzinin direktoru Samir Şəfiyev və "Rövşən" ritm qrupunun rəhbəri Rövşən Cabbarov festivalda fəal iştiraklarına görə diplomla təltif olunub.
Xeberle.com
Sumqayıtın ilk arenası bərbad vəziyyətdədir -VİDEOREPORTAJ
Azərbaycan vətəndaşı – gəmi kapitanı İsmayılov Turbat Kamil oğlunun cənazəsinin tapılması barədə
Noyabrın 16-dan ümumtəhsil məktəblərində 2023-2024-cü tədris ilinin beşgünlük payız tətili
"Region gənclərinin dövlət qulluğuna təşviqi” adlı layihə çərçivəsində təlimlərə start verilib
Almaniya çətinliklə qələbə qazandı - VİDEO
İllərdir yolsuz qalan əlilliyi olanlar, Sumqayıt Bələdiyyəsinin pulumuz yoxdur cavabı... - VİDEO
Kommunal xidmətlərdən hansına daha çox ödəniş edrisiniz?
2016 Powered By Maker.az