SOCAR-ın "Azərikimya” İstehsalat Birliyinin təşəbbüsü ilə gələcəyin kimya mütəxəs-sislərinin təcrübi biliklərinin artırılması, onlarda kimya sənayesinin mürəkkəb isteh¬sa-latını idarə etmək vərdişlərinin aşılanması məqsədilə həyata keçirilən «Yay təcrübəsi proqramı» çərçivəsində Azərbaycan Dövlət Neft Akademiyasının, «Qafqaz» Universitetinin, Bakı Ali Neft Məktəbinin və Sumqayıt Dövlət Univer¬sitetinin kimya və kimya mühədisliyi fakül¬tələrinin bir qrup tələbəsi Bir¬li¬¬yi¬n Etilen-polietilen zavodunda iki iş həftəsi ərzində istehsalat təcrübəsi keçiblər.
İB-in Mətbuat xidmətindən Xeberle.com-a verilən məlumata görə, tələbələr bu müddət ərzində Birliyin Etilen-polietilen zavodunun Buxar-generator kompleksi, Suso-yutma qurğusu, Azot-oksigen kompleksi, Etilen və Polietilen istehsalatında kimya sənayesi və seçdikləri ixtisasların tət¬biq olunduğu sahələr üzrə təcrübi biliklərini artırıb, nəzəri biliklərini təcrübədə daha da zənginləşdiriblər.
Yay təcrübəsinin ilk günlərindən başlayaraq tələbələr əməyin mühafizəsi, texniki təhlükəsizlik qaydaları və risklərin idarə olunması üzrə davamlı olaraq təlimlərdə iştirak ediblər. Sosial yönümlü tədbirlərdən də kənarda qalmayan tələbələr bu dəfə Birlik rəhbərliyinin təşəbbüsü ilə Sumqayıtın tarixi muzeyində olublar. Sabahın kimyaçılarına şəhərin yaranma tarixçəsi, sənaye potensialı və inkişaf istiqamətləri haqqında geniş məlumat verilib.
Qeyd edək ki, «Azərikimya» İB-də təcrübələrini başa vurmuş tələbələr Birlik pəhbərliyinin təşəbbüsü və dəstəyi ilə "Yay təcrübəsi proqramı” çərçivəsində avqustun 3-dən etibarən dörd iş həftəsi müddətində Türkiyənin İzmir şəhərində yerləşən və dünyanın ən nüfuzlu şirkətlərindən olan «Petkim Petrokimya Hol¬dinq» şirkətində istehsalat təcrübələrini davam etdirəcəklər.