Sentyabrın 18-də Sumqayıt şəhər Mədəniyyət və Turizm İdarəsinin və Nəriman Nərimanov adına Mədəniyyət Mərkəzinin təşkilatçılığı ilə dahi bəstəkar Üzeyir Hacıbəyovun 130 illik yubileyi və Milli Musiqi günü ilə əlaqədar tədbir keçiriləcək. Nəriman Nərimanov adına Mədəniyyət Mərkəzində keçiriləcək tədbirdə Əhməd Bakıxanov adına Uşaq İncəsənət Məktəbinin müəllimlərindən və şagirdlərindən ibarət xalq çalğı alətləri ansamblı dahi bəstəkarın əsərlərindən parçalar ifa edəcəklər. Bununla yanaşı, Səid Rüstəmov, Fikrət Əmirov və Hacıxan Məmmədovun, eləcə də aktyorların ifasında dahi bəstəkarın "O olmasın, bu olsun!” operettasından parçalar nümayiş olunacaq.

Tədbirdə, həmçinin Üzeyir bəyin həyatı və fəaliyyətini əks etdirən video-xülasə təqdim ediləcək.

Tədbir saat 12:00-da başlanacaq.

Arzu edənlər iştirak edə bilərlər.

Giriş sərbəstdir.