Sumqayıt şəhərində orta məktəbdə yanğın hadisəsi qeydə alınıb.

Xeberle.com-un məlumatına görə, şəhərin 12-ci mikrorayonunda yerləşən 21 nömrəli tam orta məktəbdə yanğın olub. Məktəbin 4 mərtəbəli korpusunun 3-cü mərtəbəsində 25 kvadratmetr olan sinif otağında 10 kvadratmetr sahədə bir ədəd dolab, lövhə, kitab və digər ləvazimatlar yanıb.

Yanğınsöndürənlər tərəfindən 30 nəfər şagird və müəllim heyəti tüstülənmiş mərtəbələrdən təhlükəsiz əraziyə təxliyyə olunub. Xəsarət alan olmayıb.

Sumqayıt Yanğından mühafizə qarnizonundan 2 ədəd yanğınsöndürən avtomobili və canlı qüvvə cəlb edilib.

Alov ram edilib və digər ərazilərə keçməsinin qarşısı alınıb.